មកដល់ហើយស្បែកជើងថ្មីស្អាតគុណភាពល្អ !!!
ស្បែកជើងម៉ាក Crocs រូបរាងស្អាត ពណ៌ឆើតស្រស់ ពាក់ទៅមានផាសុកភាពដល់ជើងរបស់លោកអ្នក មិនធំក្លិន ការពារជើងរបស់លោកអ្នកបានល្អ !!!
៚៚៚
យី! ក្លាយជាអ្នកទីផ្សារតាំងពីអង្កាល់នេះខ្ញុំ !!! តាមពិតទៅមិនមែនផ្សាយពាណិជ្ជកម្មព្រោះនាំស្បែកជើងនេះមកលក់នៅស្រុកខ្មែរនោះទេ (ស្បែកជើងនេះមានលក់ពាសពេញផ្សារនៅស្រុកខ្មែរ តែជារបស់ក្លែងបន្លំផ្លាកយីហោគេ ដែលផលិតនៅស្រុកចិន) ។
ស្បែកជើងនេះជាធម្មតាមានតម្លៃយ៉ាងថោកណាស់ក៏ $39.99 ដែរ តែនៅស្រុកខ្មែរ ទិញតែមួយ $6 (របស់មិនពិត) នឹង រកលុយទិញមិនចង់បានផង 😀
នេះជាម៉ូដដែលខ្ញុំកំពុងពាក់សព្វថ្ងៃ ឯពណ៌វិញគឺខាងលើប៉ែកខាងឆ្វេង 😀 ។ ស្បែកជើងនេះមិនមានតែមួយម៉ូដទេ មានច្រើនម៉ូដ ច្រើនសណ្ឋានណាស់ បើចង់ជាវក៏ជាវបានច្រើនកន្លែងដែរ ព្រោះមានសាខានៅច្រើនប្រទេសនៅលើពិភពលោក ។
អានចូលមើលម៉ូដ ពណ៌ និង ទីតាំងបាននៅ Welcome to the World of CROCS ។
ស្បែកជើងនេះក៏បានរចនាឡើងយ៉ាងពិសេសផងដែរ ៖
- ទទួលបានវិញ្ញាប័នប័ត្រផ្នែករចនា ហើយបានបញ្ជាក់ថាអាចកាត់បន្ថយការនឿយហត់សាច់ដុំដល់ទៅ 62,2% បើធៀបទៅនឹងឈរជើងទទេ ។
- ចន្លោះនៅស្បែកជើងជួយឲ្យមានខ្យល់ចេញចូល និង បញ្ចេញវិញនូវ ធូលី ដី កម្ទេចកំទី និង ទឹក ។
- ប្រឆាំងតបនិងក្លិនមិនល្អ និង បាក់តេរី កម្ចាត់ចោល «អារម្មណ៍មិនមានទំនុកចិត្តលើជើង» ។
- ងាយស្រួលថែរក្សា គ្រាន់តែលាងទឹក និង ថ្នាំខាត់បន្តិចបន្តួច ។
- បាតស្បែកជើងដែលមានគ្រាប់តូចៗ នេះជួយសម្រួលដំណើរចរន្តឈាម ។
សម្រាប់ខ្ញុំ នៅពេលដែលខ្ញុំឃើញស្បែកជើងនេះដំបូង មើលទៅ ridiculous កំប៉េងកំប៉ោង ផេតផតៗ ហាហាហា ពាក់ទៅដូចទីងមោង អុងឌឿ ចុងក្រោយ ស្អប់ជំពប់លើមែន !
ស្មានតែតាម៉ាប់ពាក់ពណ៌ភីង ហាហាហាហាហាហាហា
បើពាក់ពណ៌ហ្នឹងមែន បែបត្រូវនូនូផាអោយមិនខានទេ
ប្រុសអីចូលចិត្តព័ណ៌ ភីង ហាហាហា សំណាងហើយនៅផ្សារអារបស់ចិនឥតមានព័ណ៌ភីង ហសៗៗៗ
តាម៉ាប់ ម៉ារយៈនេះទំនេរពេកឬ? ផុសម៉ាង៉ៃបីបួនប្រកាសហ្មងហើយ
ថាអញ្ចឹងក៏បាន ប្រឡងរួចហើយឥតទៅណាផង តាមពិតទៅក៏មិនចង់ឲ្យមានទឹកជំនន់អត្ថបទនៅវតប្រេសដែរ តែដោយសារខ្ញុំប្រើ ឥន្ទនេត្រ តាមហាងអញ្ចឹងអង្គុយមួយម៉ោងពីរម៉ោងអី ខ្ញុំផ្សាយយកបីបួនអញ្ចឹងទៅ ។
យស សុទ្ធតែទំនេរពេកទៀត ! TOO FREE, lolzzz 😛
ហក បើម៉ានង៉ៃមុនស្ងាត់អោយចឺម មិនអោយគេថា! ង៉ៃណាបានទៅម៉ាជុំទន្លេសាប?
ម៉ានង៉ៃមុនជាប់ប្រឡងនឹងណា សាលាដែលខ្ញុំសែនស្អប់ៗៗៗៗៗៗ ប្រហែលថ្ងៃ ២០ ខ្ញុំចេញដំណើរហើយ តែប៉ុន្មានថ្ងៃទៀតខ្ញុំទៅជួបសភាសិន ។
ហើយវាឡាម៉េចបានស្អប់សាលាក្រហម?
ស្អប់ រៀនមិនចេះ
រៀនមិនចេះ ទៅស្អប់សាលា
ត្រូវហើយរឿងនឹង កូនរៀនមិនចេះមកពីគ្រូមិនកើត ដល់កូនរៀនចេះមកេពីពូជ ហេហេហេ
ត្រឹមត្រូវហើយតាម៉ាប់កូនចៅគេរៀនពូកែ មកពីពូជគេមែនតើ! កូនរៀនមិនពូកែ ព្រោះតែគ្រូមិនចេះពន្យល់ ធ្វើឲ្យខូចខួរក្បាលកូនគេអស់។
គ្រូចាំតែខុសទៅ !
ប្រហែលអញ្ចឹងហើយមើលទៅ ។
នឹងតែហ្មងនឹងបង!