បាបកម្មសង្គមទាំងប្រាំពីរ
ធ្លាប់បានអានប្រកាសនេះនៅ ប្លកភារម្យ ៖ ចោលម្សៀត ៧ យ៉ាងលើលោក ហើយធ្លាប់រលឹកថានៅសួនច្បារម្ដុំស្ពាននាគមានរូបសំណាករបស់ លោក មហាត្មៈ គន្ធី ត្រឹមមួយកំណាត់ទ្រូង និង ផ្ទាំងស៊ីម៉ង់ចារិកមួយយ៉ាងធំ ។
ដោយថ្ងៃមុនបានដើរទៅម្ដុំនោះ ខ្ញុំក៏បានថតយករូបនេះមក ឯរូប លោក មហាត្មៈ គន្ធី មួយសន្លឹកទៀតមានផ្សាយនៅ មួយថ្ងៃមួយសន្លឹក ៖ កំពូលសន្តអហិង្សា ។
តាមប្រវត្តិបានឲ្យដឹងថា បាបកម្មសង្គមទាំងប្រាំពីរ គាត់បានផ្ដល់ទៅឲ្យចៅប្រុសរបស់គាត់ឈ្មោះ អរុណ គន្ធី ដោយសរសេរលើក្រដាសមួយសន្លឹក មុនពេលដែលគាត់ត្រូវបានគេលបធ្វើឃាតបន្តិច ។
បាបកម្មទាំងនោះមាន ៖
- នយោបាយដោយគ្មានគោលការណ៍
- មានបាន (ទ្រព្យសម្បត្តិ) ដោយមិនធ្វើការ
- សប្បាយរីករាយដោយគ្មានសតិសម្បជញ្ញៈ
- មានចំណេះតែគ្មានចរិយាសម្បត្តិ
- រកស៊ី (ពាណិជ្ជកម្ម) ដោយគ្មានសីលធម៌
- វិទ្យាសាស្ត្រដោយគ្មានមនុស្សធម៌
- ការគោរពបូជាដោយគ្មានការលះបង់
យាយ ម៉ាប់
តា ម៉ាប់
តាម៉ាប់ & យាយម៉ាប់ 
http://sopheak.wordpress.com/2009/01/08/the-seven-deadly-sins-by-mahatma-gandhi/
យ៉ា ចំពីមុខច្បាស់ធេងតែម្ដង ហេហេេហ ប្លុកបងភ័ក្រ្ត អត្ថបទ៦ឆ្នាំច្រើនពេកមើលមិនអស់ ភាគច្រើនមើលតែប្រវត្តិសាស្រ្តខ្មែរ សៀម និងរឿងរាជវង្ស ។
យី រូបសំណាក់នេះនៅម្តុំណាវិញ?
ខាងកើតស្ពាននាគ ម្ដុំវត្តភ្នំ
Pingback: សម្ដចព្រះមហាឃោសានន្ទ (១៩២៩ – ២០០៧) | តាម៉ាប់ & យាយម៉ាប់