ប្រហែល


«ប្រហែល» អ្នក​ទាំង​អស់​គ្នា​ឆ្ងល់​ហើយ​ដែល​ឃើញ​ចំណង​ជើង​រឿង​បែប​នេះ ដំណាល​រឿង​មាន​ដូច​ត​ទៅ ៖

កាល​ពី​ព្រេង​នាយ​យូរ​មក​ហើយ មាន​បុរស​ដ៏​ស្លូត​បូត​ស្រ​គត់​ស្រគំ​​ម្នាក់​រស់​នៅ​ក្នុង​ភូមិ​ឆ្ងាយ​មួយ​ជា​មួយ​នឹង​ភរិយា​របស់​គាត់​ដែល​កំពុង​ពរ​ពោះ​ ។ នៅ​ពេល​ដែល​ថ្ងៃ​សម្រាល​បាន​មក​ដល់ ស្រ្តី​​ជា​ភរិយា​បាន​បង្កើត​បាន​កូន​ប្រុស​ម្នាក់​ថ្លោស​ទ្រលុក​ទ្រលន់​គួរ​ជា​ទី​​ពេញ​ស្រលាញ់ ។ អ្នក​ជិត​ខាង​បាន​មក​ចូល​រួម​អបអរ​ «​អូ កូន​នេះ​ពិត​ជា​ស្អាត​ណាស់ មើល​ណ៎ ថ្លោស​ណាស់​នេះ !» ។ ឪពុក​បាន​ក្រឡេក​មើល​ទៅ​កូន​របស់​គាត់ ​ហើយ​តប​ថា «ប្រហែល​ហើយ…»

៤ ឆ្នាំ​ក្រោយ​មក កុមារា​នោះ​ធំធាត់​ក្លាយ​ជា​ក្មេង​ប្រុស​ម្នាក់​ដ៏​ស្អាត​ម្នាក់​ ។ ដូច​ជា​ក្មេងៗ​ ដទៃ​នៅ​ក្នុង​ភូមិ​ដែរ វា​ដែល​ចូល​ចិត្ត​លេង​ និង សាក​អ្វី​ដែល​ប្លែក គេ​បាន​ឡើង​ដើម​ឈើ​មួយ​ដើម​ … ក្ឌុក … គេ​បាន​ធ្លាក់​មក​ដល់​ដី ជើង​ទាំង​ ២ របស់​គេ​បាន​បាក់​ជា​ពី​រ​បី​កំណាត់​ ដោយ​គ្មាន​មធ្យោបាយ​ល្អ​ជាង​នេះ គ្រូពេទ្យ​បាន​សម្រេច​ចិត្ត​​កាត់​​ជើង​របស់​គេ​​ចោល ។ អ្នក​ជិត​ខាង​ក៏​បាន​មក​​មើ​ល​កុមារា​នោះ ដើម្បី​សួរ​សុខ​ទុក្ខ​វា ហើយ​​​និយាយ​ទៅ​កាន់​ឪពុក​កុមារ​នោះ​ថា «​ពិត​ជា​កម្សត់​ណាស់ គេ​ក្លាយ​ជា​មនុស្ស​ពិការ​ហើយ ។ គេ​នឹង​អង្គុយ​លើ​រទេះ​រុញ​ ពេញ​មួយ​ជីវិត​របស់​គេ​ហើយ» ។ មើល​ទៅ​កាន់​កូន​របស់​ខ្លួន ឪពុក​នោះ​តប​ដូច​លើក​​មុន «ប្រហែល​ហើយ…»

១៤ ឆ្នាំ​ក្រោយ​មក​ ប្រទេស​ជាតិ​កើត​មាន​សង្គ្រាម​ គ្រប់​​មនុស្ស​ប្រុស​ដែល​នៅ​លីវ​ ហើយ​​មាន​អាយុ​ចាប់​ពី​ ១៨​ ឡើង​ទៅ​នៅ​ក្នុង​ភូមិ​ ត្រូវ​ជាប់​កំណែន​ទៅ​ធ្វើ​ជា​ទាហាន​ច្បាំង​នៅ​ខ្សែ​ត្រៀម​ជួរ​មុខ លើក​លេង​តែ​ បុរស​ជំទង់​ពិការ​ តែ​ម្នាក់​គត់​ដែល​មិន​ជាប់​កំណែន ។ អ្នក​ជិតខាង​បាន​មក​ដល់​ផ្ទះ​របស់​គេ​ ហើយ​ទួញ​សោក​ថា «​អ្នក​ឯង​ពិត​ជា​មាន​សំណាង​ណាស់ ! បើ​ទោះ​ជា​កូន​អ្នក​ពិការ​ ក៏​គេ​នៅ​ជា​មួយ​អ្នក​ដែល​ មិន​ដូច​កូន​យើង​ទេ !» ។​ មើល​ទៅ​កាន់​កូន​របស់​ខ្លួន ឪពុក​នោះ​តប​ដូច​លើក​​មុន «ប្រហែល​ហើយ…»

រឿង​ខ្លះ​គឺ​វា «ប្រហែល» ។ រឿង​ដែល​អ្នក​មិន​ដែល​គិត​ថា​​ ​អាច​ជា​រឿង​អាក្រក់ ហើយ​មិន​​​​​មាន​​ផ្ដល់​​ប្រយោជន៍​អ្វី​សោះ​សម្រាប់​អ្នក​សោះ​នៅ​​​ពេល​នេះ ឬក៏ រឿង​ដែល​អ្នក​គិត​ថា អាច​ផ្ដល់​ជា​ សេចក្ដី​ឈឺ​ចាប់​ និង ទុក្ខ​ទណ្ឌ​ ដល់​អ្នក​ អាច​​កើត​ឡើង​នៅ​ពេល​ក្រោយ​ ឬក៏ វា​អាច​ទៅ​វិញ​ផ្ដល់​នូវ​លទ្ធផល​ល្អ​នៅ​ពេល​ក្រោយ​ក្នុង​ជីវិត​របស់​អ្នក ។

About តា ម៉ាប់

ខ្មែរ​ម្នាក់​ដែល​រស់​ដើម្បី​ខ្មែរ ! A young Khmer with big ambition for his motherland!
This entry was posted in រឿងខ្លី អប់រំចិត្ត​ គំនិត and tagged , , , , . Bookmark the permalink.

2 Responses to ប្រហែល

  1. Ravy Yuth និយាយថា៖

    Very nice! The wrong way bring him to the right place!

សាសង

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s