ខ្ញុំមិនដែលគិតនឹកស្មានថា ខ្ញុំអាចត្រដាបត្រដួសសរសេរប្លុកនេះបានដល់គ្រប់មួយឆ្នាំនោះទេ ។ វាពិតជារឿងមួយដ៏ល្អ ដោយសារតែខ្ញុំមិនមានទម្លាប់ធ្វើអ្វីមួយឲ្យជាក់លាក់ និង ដិតដល់សោះ ។
សរុបអ្វីដែលខ្ញុំទទួលបានក្នុងរយៈពេលមួយឆ្នាំនេះ ៖
- អត្ថបទចំនួន ១៤៨ ត្រូវបានផ្សាយ
- មតិចំនួន ១,០៤០ ត្រូវបានអនុញ្ញាត ដកចេញនូវមតិ spam ចំនួន ៥៣
- ចំណូលមើលសរុបចំនួន ១៦,៦៧៥
- ថ្ងៃដែលចំណូលមើលច្រើនបំផុតគឺ ២៦ ធ្នូ ២០១១ ចំនួន ៩៦៣
- អត្ថបទដែលមានចំណូលច្រើនបំផុតគឺ ភ្នំពេញទីក្រុង ដ៍ ស្រស់ប្រិមប្រិយ ចំនួន ៦៣០
- ប្រិយមិត្តដែលបានបញ្ចេញមតិច្រើនជាងគេគឺ ឌីយ៉ាផ្កាយសួគ៌ និង បងកល្យាណ
- អ្នកជាវជាប្រចាំចំនួន ៤១ នាក់
ជាចុងក្រោយ ខ្ញុំពិតជារីករាយដែលបានស្គាល់អ្នកប្លុករាល់គ្នា ។ ក៏សូមអរគុណចំពោះអ្នកដែលតែងតែងគាំទ្រប្លុកដ៏តូចមួយរបស់ខ្ញុំនេះ សូមឲ្យអ្នកទាំងអស់គ្នាជួបប្រទះតែពុទ្ធពរទាំង ៤ ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
ទិន្នន័យនេះពិតជាទិន្នន័យដ៏កំពូលមែនហើយក្នុងចំណោមប្លក់ដែលខ្ញុំបានចូលមើល។
ម្ចាស់ប្លក់បានធ្វើបច្ចុប្បន្នភាពប្លក់របស់ខ្លួនជាប្រចាំនាំឱ្យមានប្រិយមិត្តយើងមានឱកាស បានអាន ដឹងរឿងរ៉ាវជុំវិញខ្លួនថ្មីៗ គំនិតល្អៗ ពីប្លក់នេះ ព្រមទាំងខេមរយានកម្មភាសាខ្មែរផងដែរ។
សូមជូនពរម្ចាស់ប្លក់ សូមលោកជួបប្រទះតែសេចក្តីសុខ សេចក្តីចម្រើន និងជោគជ័យជានិច្ច ដើម្បីអភិវឌ្ឍខ្លួន និងប្លក់នេះចែកមិត្តអ្នកអានបានដឹងរឿងរ៉ាវ និងគំនិតល្អៗ (ជាពិសេសរូបភាពស្អាតៗ) របស់លោក។
ជូនពរពិសេសមួយទៀត សូមឱ្យឈរកាន់តំណែងតាម៉ាប់ ក្នុងចិត្តយាយម៉ាប់ជារៀងរហូត ហើយនៅតែសង់ផ្ទះក្នុងភូមិយើងប្រកបដោយសុភមង្គល … គ្រាន់បានខ្ញុំមករកបាយកក បាយក្តាំងអីផង។
😀
អរគុណប្រិយមិត្តប្រចាំកំពូលប្រចាំថ្ងៃ ។ សូមអរគុណចំពោះការសរសើរនឹងការលើកទឹកចិត្ត ។ ខ្ញុំនឹងខិតខំព្យាយាមសរសេរបន្តដរាបណាមានបងកល្យាណនៅអាន ។
អរគុណចំពោះការជូនពរនេះ សូមឲ្យបងកល្យាណទទូលបានដូចខ្ញុំដែរ ជាពិសេសសរសេររឿងខ្លី ៗ ឲ្យខ្ញុំអានទៀត 😀 ។
ជាចុងក្រោយ ជូនពរឲ្យបងកល្យាណមានគូទ្រនាប់ទ្រាប់ចិត្ត ។ ចំពោះរឿងបាយ កុំភ័យបង !
ហែបភីប៊ើសស្តេ!!!
សេងគ្យូ !
រីករាយង៉ៃបឹសឆ្ដេ!
យឺតក៏ទទួលយកដែរ ! អរគុណបង !
យឹត មកពីមិនសូវមានពេលបើកមើល កូនបីហើយ រវល់រកពេលអេងអត់ចង់បាន
បាទ មិនអីទេបង !
Happy bithday!! ជូនពរអោយមានអ្នកចូលមើលច្រើនៗ បញ្ចេញមិតិច្រើនៗ
*** ហេះហេះ ជូនពរយើតគ្រាន់បើជាងមិនបានជូនពរមែនទេ លោកតា!! 😀
បាទ មិនបានថាអីទេ អរគុណច្រើនៗ